Pages

Saturday, June 25, 2011

Lalaki sa Buhay ni Shiela

"miss may problema ba?"

kahit medyo nahihilo na ay nakuha ko pa ring tumingin sa nagsalita.

"kayo talagang mga lalake, ang hilig niyong magpa-asa, kami naman tong mga tanga nagpapauto.ang tanga tanga ko"

muli kong nilagok ang beer na wala nang lamig. Mapakla.Kasing pakla nang nararamdaman ko ngayon.

"tarantadong Edwin yun. Pinagmukha akong tanga sa terminal, alas dos pala ha.. tang ina niya!"

Nakita ko ang pagkagulat sa kanyang mukha na napalitan din ng isang ngiti.

"miss nakakarami ka nang inom, mabuti pa siguro umuwi ka na..kung hindi mo na kaya, ihahatid na lang kita"

"kung hindi ka rin lang makikisalo dito sa pag-iinom ko mabuti pang umalis ka na sa harapan ko at naaalibadbaran nako sa'yo.pakielamero!"


Bwiset! Akala ko pa naman hindi na ako babalik sa pagsasayaw sa club. Sabi kasi ni Edwin ibabahay na niya ko. Akala ko magbabago na ang buhay ko. Napuno na naman ako ng pangarap.Katulad din pala siya ng ibang mga naging customer ko.Pagkatapos makuha ang gusto, umeekskapo na. Akala ko pa naman...

"miss, isang bucket pa nga. tsaka ekstrang yelo hindi na malamig 'tong beer ni ano..."

"Shiela..Shiela ang pangalan ko."


******



Ok pala 'tong si Louie. Galante tsaka makwento. Walang arte sa katawan kahit katulad ko ang kausap. Mukhang mabait. Buti na lang may mga natitira pang tao n katulad nito.Swerte nang gf niya at sayang dahil nauna na siya sakin.

"bakit kasi nagpabola ka,alam mo naman palang may karelasyon na yung Edwin?"

"e malay ko bang may karelasyon? kanina lang ako tinext nung malanding babae na yun.Na hindi na nga raw makakarating si Edwin. Hayop siya, mang-aagaw.Hayop sila pareho!"

"hindi ba ikaw ang mang-aagaw sa lagay na yan?"
Pasigaw na sabi ni Louie

"kanino ka ba kampi ha? Sino ba kainom mo? Tsaka wag mo kong sigawan naririnig ko naman.Ay naku hindi ko na kasalanan kung ayaw na ni Edwin ng bilasa ano? hahaha Nagsalita ang sariwa."

"Sinasabi ko lang yung totoo. Kung sana pumatol ka sa walang sabit e di sana di ka napapahamak."

"Ay naku Louie kung hindi ako makikipagsapalaran, walang mangyayari sakin. Unahan lang yan. E ang kaso naunahan ako nung malanding yun, naharang agad"


Napalakas ang pagtawa ni Loiue.

"at pinagtawanan pa ako.Walangya talaga kayo. Teka nga nababanyo ako.Diyan k lang wag kang susunod at nasusuka ako. Hatid mo ko pauwi ha"


Tinapik ko pa siya sa kamay at napansin ko ang relong suot niya. Parang kapareho nung kay Edwin. Mamahalin.Pati ba naman gamit. Pucha nasusuka na ko't lahat yun pa ring gagong yun ang naiisip ko.

Pagpasok ko nang banyo diretso agad ako sa kubeta. Naparami pala ako ng inom. Ayos lang libre nman ni pogi.

Habang abala ako sa paglalabas nang laman ng aking tiyan ay naramdaman kong may mahigpit na humawak sa aking buhok. Bago pa ako makapalag ay nagswimming na ang mukha ko sa sarili kong suka. Paulit ulit niya akong nilublob doon at may sinasabi na hindi ko na halos maintindihan.

"Akala mo siguro iiwanan ako ni Edwin para sa'yo ano. Maharot kang babae ka, maninira ka ng relasyon."

Hindot, mang-aagaw, bilasa. Marami pa siyang sinasabi subalit hindi ko na matandaan. Tangi ko na lamang nakita sa huling pag-angat ng aking mukha ay ang kamay na nakatuon sa kubeta. Ang relo ni Edwin.Ang relo ni Louie.


"Putang-ina, naloko na naman ako"






***subok sa mobile posting

10 comments:

  1. hahahaha!
    galing nito lola!
    hindi nga naman lahat ng lalaki eh sa babae pumapatol...

    kala ko naman kung sino nanloko sa'yo eh...
    hehehehe...

    ReplyDelete
  2. ang galing ng twist bb.madz.
    kasi naman eh di kasi siniguro ni ate na babae kalaban nia. ahahahaha

    ReplyDelete
  3. vading pala ka relasyon ni edwin.. hehe! wawang shiela..:P

    ReplyDelete
  4. Hanggaling mo mama madz, kalokray itech...hahaha..napanganga ako sa twist ng storya..haha..kaloka ka mamang!

    ReplyDelete
  5. Ikaw na talaga! Kawawa naman si Shiela. Tsk.

    Pano ba ang mobile posting Ate?

    ReplyDelete
  6. as always, muli ako'ng pinahanga sa pagkakahabi ng kwento

    ReplyDelete
  7. Ahahaha.

    Malikot ang utak.

    Kainaman si Shiela.

    ReplyDelete
  8. Galing mong writer, kapwa lalaki rin pala ang type ni edwin, may twist pala yung ending, hehehe! =)

    ReplyDelete
  9. Nung una hindi ko naintindihan. Akala ko nanakawan si Edwin ng relo. Knug hindi pa ako nagbasa ng comments ng iba hindi ko pa magegets haha ang tanga ko lang.

    ReplyDelete
  10. Eh di si Shiela na!
    Salu-salo together pala sila.
    Time is gold talaga. xD

    ReplyDelete

 

A D.I.Y. Blogger Template by Sommerfugl Design