Thursday, March 29, 2012

Pasabook (13)



'Nak gising na

Tinignan ko ang orasan.

6:15. 

Konti pa. 

6:30 pramis babangon na ako. Sabay talukbong ulit ng kumot.



'Nak gising na. Mas malakas ang boses ni inay ngayon.

'Nay, opo babangon na. Inaantok ko pang sagot sa kanya.

6:28.

Dalawang minuto pa.



6:30

Kinusot ko ng ilang ulit ang aking mga mata. Nagtanggal ng muta sabay bangon. Sinuot ang tsinelas para pumunta sa banyo. Bago ko pa buksan ang pinto ng aking kwarto ay narinig kong muli ang sigaw ni ina.

'Nak gising na
'Nak gising na
'Nak gising na

Nay gising na ho. Maliligo na nga.

Subalit hindi pa rin natigil si inay sa pag-gising sa akin. Maya-maya pa'y narinig ko na ang paghagulgol niya. 

'Nak gising na
'Nak gising na
'Nak gising na
Michael gumising ka, wag mo kaming iwan. Anak!!!!!!!!!!!!!!!


Tumakbo ako pabalik sa kama. Nagtalukbong ng kumot at pumikit.

Ngunit hindi na ako muling nakatulog.

At hindi na rin ako muling nagising.


**************

Hindi ka naliligaw, tama ang title ng post na ito. Ang ipapasa ko kasing libro ay naglalaman ng kwento na katulad na halimbawa ko sa itaas. 

Pero wag niyong isipin na kinopya ko yan dun, kasi sarili kong gawa yan :P.  

Eto nga pala yung librong sinasabi ko: 





So kung wala pa po kayong kopya nito, madali lang namang sumali. Sundin lang ang mga sumusunod:

1. Open po ito sa lahat ng blogger na nasa Pilipinas.

2. Mag-iwan lamang ng comment sa post na ito. Kahit anong comment basta lumabas lang pangalan niyo. :D 
 
3. One entry per blogger lang po.

4.Hanggang March 30, 2012 (Friday) lang po na mga comments ang kasali sa bobolahin.

5. Para sa resulta, bumalik na lang po dito sa March 31, 2012 (Saturday) at kung ikaw ang nanalo paki-email na lang po  (hartlesschiq@gmail.com) ang inyong contact details (syempre kasama na yung buong pangalan :D).

Friday, March 23, 2012

Minsan Pinangarap kong maging Makata :)








*ang ginamit na larawan ay mula dito.

Thursday, March 22, 2012

Blackout



 Mahirap buuin ang tiwala sa sarili, hindi lang kasi isang beses kang magkakamali ng iyong mga desisyon sa buhay. Sa bawat pagkakamali mo pa, nababawasan ang katiting na tiwalang pilit mong binubuno upang lumago. At mas nagiging mahirap magkaroon ng tiwala sa sarili kung madalas kang inilulugmok ng iba sa kahihiyan at lugami. Manananggal ang tawag ko sa kanila – manananggal ng tiwala.

Maraming pagkakataong nilalabanan ko ang kawalan ko ng tiwala sa sarili atmaraming pagkakataon ding nagugupo ako ng aking sarili mismo. Ang hindipagsagot sa panahong ipinapahiya ka ng maharlika mong guro dahil sa iyong paniniwala ay isang malaking pag-amin ng kahinaan. Tila inilalabas ang tunay na kulay ng iyong kuyukot. Kahit alam mong dapat ipinaglaban ang nangangalumata mong prinsipyo sa buhay, mas pinili mong magtago sa yungib ng iyong pagkatalo.

Kung may paligsahan nga sa mga taong kulang ang tiwala sa sarili, malaki ang tsansang hindi pa rin ako makakakuha ng gantimpala. Kasi kahit sa ganitong pakontes ng mga dikya, wala pa rin akong tiwala sa sarili ko na mananalo ako. Isang malalim na buntung-hininga at halinghing lang ang kaya ko.

Ngunit ni minsan, hindi ko naisip na sukuan ang panibugho kong kinasangkutan. Sa mga pagkakataong, nagagapi ang aking sarili, doble ang isinusukli kong pagod upang mag-aral ng matuwid at matutunan ang bawat pagkakamali at ipagpatuloy ang aking munting banal na adhika. Ilan taon ko ring pinilit na palaguin ang aking tiwala sa sarili, upang kumawala sa peklat ng aking kahinaan ng loob.

Sa ngayon, malago na ang aking ipinunlang tiwala sa puso ko. Minahal ko kasi muna ang aking sarili bago sila. Nagsisilbing alingawngaw ito upang pagkunan din ng tiwala ng ibang tao sa paligid ko. Sabi nga ng kaibigan kong si Luwalhati sa akin, hindi mo maibibigay sa iba ang bagay na wala ka. Siniguro ko munang mayabong na ang aking puno, hitik na sa bunga at nakahanda nang ipamahagi sa ibang nangangailangan.

Hinog na ang pulot-pukyutan ko, kanya-kanya na kayong hugot.


*Napadaan ako kanina sa isang blog na gumagawa ng blackout poetry. Mula sa isang akda ay kukuha ka lamang ng ilang salita na siyang bubuo sa iyong tula. Sinubukan ko lang :D Natatawa ko sa resulta, ang sabaw!

*Ang akda ay isa sa mga lahok sa nakaraang Kamalayang Malaya ni J.Kulisap :)

30 Day Photo Challenge: Day 6


A picture of a person you'd love to trade places with for a day

Armi Millare 


 Gusto kong ariin yung boses niya kahit isang araw lang. Ang ganda kasi. :) 
Isang gig lang as Armi, pwede na ko madeads.. OA!


Curt Dousett
Siya nga pala ang host ng Hazard Pay ng Discovery Channel. Actually hindi siya yung host na gusto ko, hindi ko lang mahanap eh pero basta toughest job ek ek yung show. Same lang din ng concept sa show nitong guy na 'to. Wala lang, gusto ko lang maexperience yung PINAKA sa pinakamahirap na trabaho sa mundo. Challenge kung challenge. Bring it on!



*Dalawa talaga yung pinili ko,malay mo di pumayag dun sa isa, e di may back up! LOL

Wednesday, March 21, 2012

Lagaw kita sa Iloilo =) UPDATE



Wala pa akong kilig sa katawan para magsulat ng love story kaya kukwentuhan muna kita sa Iloilo trip ko (Feb 5-7, 2012). :) 

Last time, nagbigay ako ng to-do list para sa trip na ito. Uunahan ko na kayo, hindi ko siya nagawa lahat. Ang defensive lang :)) Pero meron pa rin namang mga CHECK sa kanila tulad ng: 


Makarating sa airport ng hindi nagtataxi mula sa bahay.
       - hindi talaga ako nagtaxi...mula sa bahay kasi sa Cubao na kami sumakay ni opismate. :P 

  Magdala ng SUPER LIGHT na bagahe.
      - kumpara sa dala ko noon sa Baguio, parang bulak lang ang bagahe ko papunta dito

Magkaron ng bagong kakilala. 
      - Nauna ang flight ko kina opismate, kaya naman naghagilap ako ng pwedeng kausapin habang nag-aantay sa kanila. Salamat kina:

Ate Sharen na nakatabi ko sa plane at nagpahiram sakin ng latest issue ng Star Studio (Feb2012).

Kina SG Natividad at PO2 Jessie Paron na naging google map ko habang umiikot sa Iloilo around 6am.

Kay kuya Marvin na naging tour guide/driver namin sa Guimaras. Ang tibay nung tricycle niya kinaya kaming apat! 



At kay sir Vince na nag-orient at nagturo sa amin ng target shooting. Ito yung isa sa mga hindi kasama sa itinerary pero buti na lang ginawa namin. Nakabullseye ako !Yihee!



Walang update sa FB, Twitter at text 
 - oo hindi ko napigilang hindi magtext, pano naman kasi habang nagsasaya kami at juma-jump shot eh bigla na lang umuga ang lupa. Uwo, ito nga yung lumindol noon sa Visayas. Nakakakaba, pero nung tumigil tuloy na ulit ang ligaya :))



Ma-capture yung sunrise at sunset. 
           - pwede na siguro 'to :P

 

Snorkeling 
  - Lahat naman ng daungan nung bangka habang nagisland tour e todo snorkeling kami. Meron pa ngang isa dun, pagsisid ko may ahas na color orange. Akala ko ako lang nakakita tapos nung sumigaw na yung kapatid ni opismate, CONFIRMED! Ahas nga. Tapos ayun, swimming ulet! hahaha Parang wala lang nangyari.

Makakain ng:
 - mangga sa Guimaras (Ang sarap pala talaga ng nito dito sa Guimaras.  Sabi nila pag April may eat-all-you-can mangga daw for only P50. Haaay sarap tuloy bumalik, magpapakalunod lang sa mangga. LOL  )



 - La Paz Batchoy sa Ted's o Decos' (Sa Ted's ako natuloy. LIKE!)

 - native litson manok sa Tatoy's Manokan (Di ko masyadong type yung manok ang payat kasi. Pero seriously, hindi ko lang siguro type yung lasa. Yung camaron nila masarap!)


 - Mango Pizza (YUM YUM!) 


Kumatok at humiling sa lahat ng simbahan na mapupuntahan.
 - Pak na pak ako dito. Lahat ata ng simbahan sa bayan ng Iloilo ay napuntahan namin at nakatukan ko ang mga pinto. :)))


Mag-uwi ng Ilonggo este salita ng mga Ilonggo (Hiligaynon) pala. 


I-enjoy ang bakasyon.

Dumating yung araw na nasa airport na kami ng Iloilo pabalik sa Maynila. Hindi ko napansin ang oras. Hahaha OA! Pero totoo, nag-enjoy ako sa bakasyong ito. Kapag nga may budget ulit, malamang isa ito sa mga lugar na gusto kong balikan. :)

Tuesday, March 20, 2012

30 Day Photo Challenge: Day 5

A picture of your favorite memory

 

Friday, March 16, 2012

30 Day Photo Challenge: Day 4



A picture of your night


Thursday, March 15, 2012

30 Day Photo Challenge: Day 3


A picture of the cast from your favorite show


THE BIG C CAST (L-R): Laura Linney,Phyllis Somerville, Gabourey Sidibe, John Benjamin Hickey and Cynthia Nixon



Tuesday, March 13, 2012

30 Day Photo Challenge: Day 2


A picture of you and a friend  
you have been close with for awhile


Sanggang dikit kami nitong opismate ko na si Jessa. Lahat ng kalokohan, kaartehan at katangahan ko sa buhay eh kinukunsinti nitong babaeng ito.

Sa sobrang dikit namin, napapagkamalan na kaming magkapatid (see pic above) at syempre ako ang bunso :)) 

Siya rin pala ang bumanat ng mga linya na halos magpagulong sa akin katatawa:

ME: Maganda ba? 
Jessa:  Maganda naman si ano eh, di pa lang uso yung ganda niya!

Ang swerte ko lang na may nakilala akong isang Jessa. 
Hindi na naging normal ang buhay ko since then. :D

Monday, March 12, 2012

QB (Quiz Bee) for a Cause

Muli na namang nabuhay ang QB o quizbee sa bahay ni bulakbolero noong nakaraang linggo. Sa mga di po nakakaalam kung anong nangyayari tuwing alas-dos sa araw ng Martes, ito po ang pinagkakaabalahan namin ng ilan sa mga bloggers.

At matapos manalo ng grupo nila Midnytdriver, Joleah, Iyahkin at Essa, ay nagsuggest ang iba na gawin daw itong tournament. Maya-maya pa ay bumulong ang isang viewer na pwede siyang maging sponsor para sa papremyo. Siyempre ako pa ba naman ang tatanggi? LOL Kaya naman kanina ay napag-usapan namin kung ano ang magiging mechanics ng laro at kung ano ang ipapapremyo.


1. Magsisimula ang quizbee sa ganap na alas dos ng hapon dito. Siyam hanggang sampu lamang ang maaring makapasok sa chatroom kaya naman paunahan na lamang kayo na pumasok. 

2. Ang mga tanong ay iikot sa mga sumusunod na kategorya:


MEMA LANG (brain teaser)
HALU-HALO (text twist)
ANONG SCIENCE MO? (Science)
PANIS SA PINAS (Phil. History, Trivia)
PALITAN TAYO (world currency)
MATHDALI LANG ‘TO (math)
ITAGALOG MO NGA PLEASE (Filipino translation)
LARUIN MO AKO (Filipino Games)
CONNECT D’ DOTS (analogy)
HIMIG PINOY (music)
REBUS (picture puzzle)
I MIX HUE (color wheel)
TUGZTUGZTUGZ (Philippine Dance)
DAGDAG-BAWAS (number sequence)
TAKOT KO LANG SA’YO (phobia)
BUGTONG NI BONG2x (riddles)
HULAAN MO ANYO KO (land and water formation)
IBUKA MO ANG NGALAN KO (Philippine Acronym and Abbreviations)
BLOGGER KA? DI NGA? (All about blogs and blogging)
DAMI KONG GUTOM (food)
KOMERSYAL MUNA (TV Commercial)
TAONG BAHAY (Home appliances and tools)
NOSEBLEED KA TEH! (sawikain/Idioms)
YOU COMPLETE ME (Letter equations)
SABI SABI SA TABI TABI (Filipino Beliefs)

3. Ang mga kasali ay igugrupo sa tatlo sa pamamagitan ng palabunutan. Paunahan ang bawat grupo na makasagot ng tama sa mga tanong.

4. Ang grupo na may pinakamataas na puntos sa pagtatapos ng laro ang siyang hihiranging panalo.

5. Ang bawat kasali ay bibigyan ng indibidwal na puntos base sa rank per group para maaari pa silang igrupo sa iba sa mga susunod na laban.

First place - 3pts.
Second place - 2pts.
Third place - 1pt.

6. Sampung quiz bee ang gagawin at pagkatapos nito ay susumahin ang iskor ng bawat kasali para malaman kung sino ang top three.

ANO ANG PREMYO?

Ang top three ay makakatanggap ng t-shirt na mayroong tatak ng kanilang blog name. Bukod dito ay makakapagbigay din sila ng kaparehong t-shirt sa lima pang mga bata. :D Yep, naglaro lang sila sa quizbee, makakasuporta pa sila sa Blog Mo, Ipasuot Mo. Isang proyekto na naglalayon na damitan ang mga kabataang salat sa maayos na damit.

Kaya naman kung mayroon kang libreng oras tuwing Martes, alas dos ng hapon. Pumunta lamang dito para makigulo at sa huli ay magkaroon ng pagkakataon na magpasaya ng iba.

Kitakits! :D 



Sunday, March 11, 2012

30 Day Photo Challege: Day 1

A picture of yourself with 15 facts.

xmas prty

1.  Sobrang fickle minded.

2. Sintunado ako nung bata. Natuto lang talaga akong kumanta kasi palagi akong sumasabay sa tita ko kapag kumakanta siya.

3. Makakalimutin ako lalo na sa mga pangalan at contact number.

4. Mas gusto kong sumakay sa bus o jeep kesa sa MRT. Lagi na lang nagmamadali ang mga tao dun. Ang gulo nila. Open-mouthed smile

5. Kapag nagagalit ako, ibig sabihin di talaga totoo. Tatawa ako o icoconfirm ko kung totoo talaga.

6. Pikunin ako.

7. Hindi ako malambing at touchy type of girl.

8.  Paborito kong flavor ng donut ay butternut.

9-  Mahilig akong maglakad at gumala.

10. 1.75 ang grado ng mga mata ko. Pareho sila. Walang lamangan.

11. Madali akong nakakatulog kapag nasa ilalim ng unan yung braso ko.

12.  Pagdating sa love, lahat sakin posible.

13. Kapag nagagalit ako sa isang tao, mabilis lang. Pagkatapos kong maglabas ng sama ng loob o iyakan yung nangyari, bukas wala na.

14. Mahilig ako sa vanilla flavored pinipig o kahit ice cream. Basta vanilla, pasok sa banga.

15. Wala akong maisulat na kwento ngayon kaya naman pinatulan ko ang challenge na ito.  Smile with tongue out

 

A D.I.Y. Blogger Template by Sommerfugl Design