Friday, June 29, 2012

Pasabook (16) Result

As promised, eto na po yung resulta ng pasabook natin para ngayong buwan. 






Congrats Kikomaxx! Saktong-sakto yung pagkapanalo mo, kasi ikaw din yung nakatanggap nung Ligo na U, Lapit na Me di ba? Masusundan mo na yung kwento ni Intoy :) Pakisend na lang po ulit ng contact details sa email ko (hartlesschiq@gmail.com). Salamat!

Salamat sa mga sumali. Abang ulit kayo next month, malay nio kayo na ang manalo. :D

Monday, June 25, 2012

Pasabook (16)


Kung ang paglilibang ay gamot sa pampalimot, paniguradong maraming tao ang sasama ang loob at kakalimutan na lang ang kagustuhang makalimot dahil mahal ang makalimot.

Hindi siya ang dahilan ng pag-inog ng mundo ko, hindi rin dapat siya ang dahilan ng pagtigil nito.

Masaya yata ako na nahihirapan akong mahalin siya mula sa kawalan.  

Ilan lang yan sa mga linyang mababasa niyo sa librong ibibigay ko ngayon buwan. Update lamang ito sa Intoy-Jen love affair at iba pang pangyayari sa buhay at sa paligid ni Karl Vladimir Lennon J. Villalobos. Sa akin ha, mas nagustuhan ko ito kaysa sa nauna. Ewan ko lang sa inyo. Kayo na lang ang humusga. 




It's not that complicated naman  para makasali (yown maisingit lang yung title), sundin lang ang mga sumusunod: 


1. Open po ito sa lahat ng blogger na nasa Pilipinas.

2. Mag-iwan lamang ng comment sa post na ito. Kahit anong comment basta lumabas lang pangalan niyo.  
3. One entry per blogger lang po.

4.Hanggang June 28 (Thursday) lang po na mga comments ang kasali sa bobolahin.

5. Para sa resulta, bumalik na lang po dito sa June 29 (Friday) at kung ikaw ang nanalo paki-email na lang po  (hartlesschiq@gmail.com) ang inyong contact details (syempre kasama na yung buong pangalan ).


Pasensya na kung yung librong matatanggap ng mananalo eh may tupi ang ilang pahina. Haha Alam na, yung mga linyang nasa itaas ang isa sa laman nun. :D Natuwa lang ako... pwede ding nakarelate. Naks! Good luck sa mananalo!


PS: Salamat pala sa mabait na sponsor, dahil sa'yo may pasabook pa ako hanggang September! LOL Sana marami pang blessing ang dumating sa'yo parekoy! Tenkyu \m/

Friday, June 22, 2012

Great Things Start with Small Beginnings

Kung pwede lang akong bigyan ng grade para sa mga ginawa ko para lang makapagregister sa Milo Marathon para sa July malamang bibigyan ako ng mga organizer ng A+. 

Una, bumili pa ako sa suking tindahan ng 220g na pack na produkto kasi ayon sa website, ito ang kailangang dalhin. Todo transfer pa ko ng laman nito sa garapon na hindi ko alam kung kelan mauubos kasi madalang na akong uminom nito. Tapos pagdating dun sa registration site eh may nakita ako na mga pakete na 1kilo tapos yung sachet na pang isang serving lang na pinagsama-sama. Nakakaloko lang. E di sana namulot na lang ako dun sa canteen na kinakainan ko kung nalaman ko lang agad na pwede pala yun. 

Pangalawa, niresearch ko pa yung mga contact number ng mga registration site, sobrang limited lang kasi kaya  kelangan itanong from time to time kung may available pa ba na slot para dun sa napili kong takbuhan, kasi baka mamaya pumunta nga ako tapos wala na naman pala (na nangyari sa akin sa Trinoma nung Wednesday).
Pangatlo, iniwan ko yung boss ko para dito. Oo, iniwan ko talaga, Kasi after ng training namin sa bagong opis, kinausap pa siya ng boss niya. E ang tagal, kaya ang ginawa ko, tinext ko na lang na nauna na ko kasi nga magpaparegister pa ko. Buti na lang mabait talaga si boss. :D

Pang-apat, inabala ko pa yung opismate/housemate/bff ko na samahan ako papuntang MOA galing sa opis kahit na iika-ika na siya at di makalingon dahil merong stiff neck. Tsuri talaga!

At pang lima,  tinanggal ko talaga ng hiya ko at nakipagmatigasan ng mukha dun sa mga ateng na nagdidistribute ng race packet. Ganito kasi yun, after training akyat na kami ni bff sa MRT para mabilis ang byahe. Maagap naman kaming nakarating sa MOA, siguro mga 7pm (ang sched ng registration dun sa Toby's ay 12pm-8pm), Ang problema lang dahil hindi naman ako palaging nagpupunta dun, linsyak nagpaikot-ikot pa kami dun para lang hanapin yung store. Yung mga guard kasi na napagtanungan namin, iba-iba ang direksyon na sinasabi. So confusing!

So ayun na nga, sa huli eh nakita ko din siya at daliang humingi ng reg form kay ate. Tanda ko, wala pang 7:30 nun. Pero sabi nila close na daw, bumalik na lang ako bukas. WTF! Pagkatapos ng lahat-lahat, eh pababalikin lang nila ako! Nakiusap ako sa kanila, na kesyo ate galing pa ko Antipolo baka pwede namang mapagbigyan. Pero ayaw talaga, yun na lang daw may mga number ang ieentertain. E desperado na ko nun kasi, yun na lang yung chance ko para magregister. 

Ang ginawa ko, lumapit ako dun sa isang may number, nakiusap ako kung pwedeng isabay yung sakin. Swerte, hindi daw marunong gumamit si kuya nung machine, kaya nag offer akong ako na lang ang maglalagay. In exchange, share kami sa number niya. Pumayag naman si kuya Edward. Yey! 

Nung nagiinput na ko ng details, bigla akong tinanong nung isang ateng,asan daw number ko. Todo flash naman ako kasi nga inentrust na sakin ni kuya ang kanyang future lol. Maya-maya umiimik na ng mahina sino daw kayang nagbigay ng number sakin tapos nakasimangot na silang dalawa. Kinabahan ako kasi baka patigilin ako, pero diretso lang ako kunwari di ko naririnig at di ko nakikita na masama na ang tingin nila sa akin. Natapos ako sa pagrereg, at ibibigay ko na yung form kay isang ateng. Tinarayan ba naman ako sabay sabing, 'teka lang, madami pa 'tong nilalagay ko'. Deadma lang. Nginitian ko lang siya at naghintay hanggang kunin niya at ibigay yung singlet namin. Nagpasalamat na lang ako pagkabigay. Nginitian ko ulit., yung apologetic syempre.

Hindi ako proud sa ginawa ko, swear. Pero andyan na, may bib at singlet na ko (yey!). Pasensya na lang kina ateng na nabwisit sa'kin. Salamat siyempre kina kuya Edward at bff na tumulong para makapasok ako sa race. Para sa inyo yung takbo ko. :D





Sa mga kakilala at iba pang sasali, see yah! Takbuhan na! :D


Wednesday, June 13, 2012

Weekend at Cagbalete Island

Trip trip lang. Malay ko ba namang may mangilan-ngilan pa rin sa mga kakilala ko ang hindi pa makaget-over sa summer at gusto pang humabol dito. Nung una ang daming invited tapos sa mismong araw ang nakasama ko lang sa weekend getaway na ito ay apat. 





Ang aming destinasyon: Cagbalete Island sa Mauban, Quezon.






Budget: 1,500 

- All-in na 'to (fare, food, accommodation, etc.) kapag galing ka sa Manila. Syempre mas mababa kapag taga samin ka lang. :P Di ka na magugutom kasi yung sa amin, apat na meal  ang kasya (i-menos na yung nawalang hotdog) tapos konting panghappy happy. Pwede ka pang bumili ng pasalubong dyan kaya sulit na sulit!

Where we stayed: Villa Cleofas

 - Ang binayaran lang namin dito ay yung pwesto para sa tent (except dun sa isa na nagrent) at tsaka entrance. Malinis at madami ang CR. Pwedeng magrent/manghiram ng kitchen utensils pero mas advisable na magdala kayo ng sarili o bumili na ng mga kailangan niyo kasi mapapanganga ka sa mahal ng presyo.






Panalo ang view dito! Ito yung lugar na hindi mo mamimiss ang facebook at twitter. Hindi ka rin magmamadaling umalis para maabutan ang pinapanood mong telenovela o kaya naman basketball game. Samahan mo lang ng magandang music background habang nakahiga ka sa duyan. Swabe! Tamang chillax lang. O pwede ring HHWW ang emote sa napakalawak na sand bar. Hayyyy this is life talaga! :D 

 






 
 



Hindi naman halata na masyado kaming nag-enjoy di ba?LOL 

Kaya ayun, pag gusto mo munang magliwaliw kahit sa weekend lang na hindi ka manghihinayang sa gastos ito yung isang lugar na pwede mong puntahan. Hindi ka talaga magsisi, pramis! *wink*

Thursday, June 7, 2012

KM3: Tinig (Anunsiyo)


Ano ba ang kaya kong ibigay? Isa lang akong regular na manggagawa. Yung sweldo ko, hindi pa kayang pambuhay ng pamilya. Kumbaga pang single, pang isang bibig, pang isang luho. Paano ako tutulong?

Unang sabak ko noon sa kawanggawa. Ni hindi ako nakadalo sa pagpupulong para dito. Walang budget . Kaya kunwari busy, wala, umalis, tulog, di na babalik. Muling nangulit ang pasimuno, kung ano lang daw ang kayang ibigay. Paano yan katawan ko lang ang pwede? Ang ibig kong sabihin eh lakas ng katawan lang. Taga-buhat ng bubuhatin at taga anu ng kahit anung pwede kong gawin. Hindi naman sila nagreklamo. Sige pwede na yan. Pagsapit ng mismong araw, gamit na gamit ang aking lakas. Maligaya akong umuwi. Sabi ko kahit pagsawaan niyo nang maging TAGA ako, ayus lang, uulit pa rin ako.

Yung unang sabak na iyon ay nasundan pa ng ilan. Meron para sa bata. Meron para sa matanda. Minsan nga meron ding para sa mga puno, naiinip din kaya silang mag-isa kaya kailangang paramihin. Ok, corny ng huling linya ko.

Marami akong natutunan sa lahat ng sabak kong iyon. Nawala ang hiya ko nang makita ang mga batang nangangailangan ng damit, ng mga batang umaasang malalamnan ang kanilang mga tiyan kahit isang araw lang. Lalo naman sa mga matatandang naghahanap lang naman ng kakwentuhan. Yung pagkukwentuhan nila ng mga karanasan nila bago sila dumating sa kalagayan nila ngayon. Sa lahat ng ito, gamit na gamit ang aking katawan. Tenga, bibig, mata, ilong at ang naglalakihan kong maskels este braso pala. 

Sa hinaba haba ng litanya kong ito ang gusto ko lang naman sabihin eh ako pa rin naman ‘to. Yung ordinaryong manggagawa na sumusweldo na hindi kayang ipambuhay ng pamilya. Yung pang single, pang isang bibig, pang isang luho. Pero kasi, may magagawa pala ako, kahit na maging taga- anu lang ng kahit anu para sa iba.

Ikaw, ano ba ang pwede kong ibigay? Paano kita matutulungan?

Monday, June 4, 2012

QB for a Cause Tough Four


masaya.... mauulit ba iyon? :D kahit walang for a cause.. nakakamiss din na maglaro every tuesday.. pero iba rin kapag nanalo ka at maissshare mo sa iba ang blessing.. :D 
                                                                          - shyvixen


Dito sa larong ito gamit na gamit ang salitang paunahan. Nariyan ang paunahang makapasok sa chatroll. Tapos, paunahang makapagsearch sa Google at syempre paunahang mag-copy paste  magtype ng sagot. Kasi kapag dumating ang time na nabasa na nila ang ISTAFET, paktay na!  Paniguradong may nakakuha na ng tamang sagot.

Ilang blogger din ang naging mainstay sa larong ito. Yung iba parang kabute na pasulpot-sulpot at yung iba naman kahit gusto nilang sumali ay hindi nila magawa dahil:

1. busy sa work
2. busy lang talaga
3. busy ang internet connection
4. at busy na kami sa mismong chatroll, meaning simula na.

Anu't ano pa man ay nakaraos din ang event na ito. Matapos ang ilang Martes na pag-google este paggugol pala ng panahon para dito, narito na ang:

QB for a Cause Tough Four

1. Shyvixen 
2.  Zero 

Sila po yung the best sa lahat ng paunahan na naganap sa quizbee. Congrats po sa inyong apat, kayo na talaga! :D

Katulad ng napag-usapan, ang bawat isa ay mayroong limang t-shirt na idodonate para sa proyektong Blog Mo, Ipasuot Mo. Bukod dito ay may tig-iisa din po kayong souvenir shirt na hindi ko pa alam kung paano ko ibibigay sa inyo. Habulin niyo ko!lels  :P Ito nga po pala ang design ng shirt na matatanggap ninyo at 20 pang mga bata:



Maraming salamat sa nakaisip na gawin ang pakulo slash proyekto na ito. Alam mo na kung sino ka. Salamat sa pagpapatira sa amin ng dalawang buwan sa chatroll mo. LOL Hello there! :))

Special thanks nga pala kay Zyra na siyang gumawa nitong design. Pasensya na rin sa madalas kong pangungulit sa'yo ah.  :D

Maraming salamat din po sa mga sumali at nakipagkulitan sa akin ng ilang buwan. Kitakits po sa susunod na sem! :D 


Pasabook (15) Result

Sa wakas may nanalo na ring iba sa pasabook para sa buwan ng Mayo :D Eto po yung list nang lahat ng sumali (Siyempre binawas ko na dyan yung mga wala dito sa Pinas).








Congrats sa'yo Gian Carlo! Email mo na lang sa akin (hartlesschiq@gmail.com) yung contact details mo (pakisama po yung buong pangalan). Salamat!

 

A D.I.Y. Blogger Template by Sommerfugl Design