Monday, November 26, 2012

Couchsurfing

 

Isa sa mga nasalihan kong site sa internet ay ang Couchsurfing. Dito magkakaroon ka ng chance na magkaroon ng bagong kakilala sa pamamagitan ng pagpapatuloy sa inyong tahanan ng bisita mula sa iba’t ibang sulok ng mundo o kaya naman ikaw mismo ang makikituloy sa kani-kanilang tahanan. May option din naman na hindi niyo gawin ito at maghappy-happy lang sa pagtour niyo sa isa’t isa sa inyong home base. Pero magfocus muna tayo dun sa naunang dalawa.

Ano nga ba ang nakuha ko sa pagsali sa CS?

1. Libreng accommodation, tour at food - TIPID.
2. Nakakakilala ng ibang tao at bagong kaibigan (may local, may international)
3. Naipagmamalaki mo yung mga tourist spots sa lugar niyo. Para saan pa ang It’s More Fun in the Philippines di ba kung hindi mo sa kanila ito ipapaexperience.
4. Dagdag kaalaman din yung infos and tidbits na sinasabi ng host mo or ng surfer sa’yo.
5. Nahahasa yung social and communication skills.

Maswerte ako na pareho kong naexperience ang maging host (nagpatuloy) at surfer (nakituloy) ngayong taon. Hindi po ako expert pero ito yung ilan sa mga tips na gusto kong i-share sa inyo just in case magustuhan niyo ring sumali.

 

Kapag makikituloy (Surfer):

Nangyari ito nung bday trip ko sa CDO. Maswerte ako na may nag-offer sa’kin ng place niya para panandalian kong tuluyan habang andun ako sa lugar.

CS Surf

 

1. Constant communication – dito niyo unang nakikilala ang isa’t isa at isa. Dito niyo nabubuo yung itinerary mo sa trip kasi either i-tour ka niya or in my case bigyan ka niya ng tips kung paano makakasurvive sa gala mo saan ka pwedeng pumunta.
2. Get their complete name and address (include directions going to their house from the point of origin) - para alam ng mga mahal mo sa buhay kung kanino at saan ka pwedeng hanapin. Vice versa, ibigay din sa kanila kung sino ang person to contact in case of emergency.
3. Exercise cleanliness all the time – kung paano mo nadatnan yung lugar dapat ganun mo din ito iwan o mas maganda pa nga na mas maayos kesa dati.
4. Buy something for them from your place (souvenir) – paraan na rin ito ng pagpapasalamat para sa pagpapatuloy nila sa’yo at para mahikayat din siya na bumisita sa lugar mo.
5. Don’t forget to express your gratitude. – Simpleng thank you lang malayo na mararating nito.
6. Be honest 
7. Be adventurous and have fun

 

Kapag magpapatuloy (Hosting)

Nangyari ito first week ng November. Sakto long weekend, kaya naman pumayag ako na i-tour si Mana, isang 22-yr old na haponesa, sa aming bayan pati na rin sa ilang lugar sa Maynila.

CS host1

 

1. Constant communication.
2. Tanong mo yung activities na gusto niyang gawin at mga tourist spots na gusto niyang mapuntahan. – para may idea ka kung saan mo siya dadalhin
3. Food allergies – para may idea ka kung ano ang ihahanda mo sa kanya.
4. Room or beddings – ipaliwanag kung saan at ano ang tutulugan (shared ba o solo niya yung room).
5. Itinerary and flight schedules – para mapagkasya mo sa schedule niya yung mga pupuntahan niyo at hindi siya mahuli sa flight pauwi sa kanila Smile with tongue out
6.
Be honest
7. Treat your guest as family
8. Ask for immediate relatives or contact person from their place just in case something happens.

So far wala pa naman akong masamang experience sa pagsali ko dito. Siguro konting ingat din lang sa mga miyembro, huwag basta-basta magtiwala at suriin ng mabuti yung gusto nating patuluyin sa ating mga tahanan. Learn to say no kung hindi naman talaga natin trip yung gusto nilang gawin o kaya naman feeling natin eh hindi na maganda yung intensyon nila. At huwag din naman tayong gagawa ng mga bagay na makakasira sa atin. Respeto lang at maging tao na gugustuhin mong patuluyin sa bahay mo. Open-mouthed smile 

Tuesday, October 23, 2012

TUGTOGSILOG (JAM for a CAUSE)

Everyone is invited to be a part of this benefit concert for the Malaya Kids Ministries in Baseco Tondo. For a door fee of P100 PLUS any kind of canned goods, you can enjoy the night with alternative music from some of our local bands and also share your love with the kids this coming Christmas.

Share a bread for the soul.  Watch Tugtogsilog this coming Thursday, October 25, 2012 @ 8pm in Autonomy Bar and Resto Mandaluyong.

See you there!
 
 ***Guys, sana makapunta kayo. Bonding time din with fellow bloggers tapos makakatulong ka pa. Tutal holiday kinabukasan di ba? Sana magkita-kita tayo dito. :) Maraming salamat!

Sunday, October 14, 2012

Ang Churros, bow!

 

Pagkatapos namin pumunta ng barkada ko sa isang outreach, naisipan naming kumain sa medyo malayo na place. Kaya naman from Shaw ay nakaabot kami sa Maginahawa St Teacher's Village sa QC para tumikim ng burger.

 

C360_2012-10-13-18-06-43_orgC360_2012-10-13-17-47-59

C360_2012-10-13-17-57-09_orgC360_2012-10-13-18-10-34_org

Yep, sa Burger Project nga kami natuloy. Hmmm ok lang yung food. Di ko alam kung masyadong safe lang yung napili kong combination ng ingredients o talagang… Basta magdadalawang isip yata akong kumain ulit dito.

Niweiz back to the title of the story. Ngayon habang kumakain naalala ko na meron akong nabasa sa net na masarap daw ang churros. Nagkataon na paborito yun ng barkada ko. Kaya naman niloko ko.

Me: Ate kapag nahulaan mo kung saan yung may masarap na churros dito, ililibre kita.

Barkada: O sige!

Pagkatapos naming kumain, tinitignan ko siya kung gumawa na ba ng damoves para makalibre. Pero wala tahimik lang siya, mukhang walang librehan na magaganap.

Nung mag CR siya, naisipan kong kumonek sa net. Tinype sa google : BEST CHURROS MAGINHAWA. Laking gulat ko ng makita ang result

churros

sancho bur

Mukha akong tanga na tawa ng tawa mag-isa sa upuan. Sino bang mag-aakala na katabing establishment lang pala yung pinapahanap ko sa barkada ko. Paglabas niya ng CR sinabi ko:

Me: Ate wag mo na palang hulaan.

Barkada: Bakit naman?Itatanong ko pa naman sana dun sa mga nagseserve kung saan yun, Baka naman mamaya katabi lang nito yun.

At hindi ko na naman napigilan tumawa. EPIC FAIL talaga!

Kaya ayun kahit di naman ako technically natalo, nilibre ko na siya. Siyempre bumili din ako ng akin at ito yung hindi ko pinagsisihan kasi MASARAP talaga! Smile

C360_2012-10-13-18-55-13_org

 

Kaya naman next time na magawi kayo sa bandang QC, wag niyong kalimutan na dumaan at kumain dito. Tsaka isa pa, wag kayong maghahamon ng walang pang back up na research. Sinasabi ko na, mapapahamak ka talaga! LOL

 

P.S.

Bukod sa churros may isa pa kong gustong balikan sa Sancho: Brazo de Mercedes. Paano ba naman sa 11 rolls nito yung nakalagay dun sa cake display area. Mantakin mo yun!

Friday, September 28, 2012

25 Blessings I Received as I Turned 26



1. Napanood ang UpDharma Down ng libre kasama si Jhengpot na isa pa ring fanatic ng bandang ito. (Thanks ulit kuya Joey!)




 2. Nakapagdonate ulit ng dugo after 9 years. 




3. Nakapagcelebrate ng birthday in advanced kasama ang mga kaibigan para sa mga bata sa Baseco.



4. Nakapanood sa Cine Europa with friends.




5. Hot Choco and Donut  galing kay Mar.  Nice meeting you! Thanks sa treat! :) Also, nice seeing you again Bino. :)

6. Successful solo trip.


7. Libreng accommodation c/o coushsurfer host Fatima.





8. Libreng meal sa unang araw ng stay. (Thanks again Fati!)


Calamares, Liempo and Sisig

Tartufo

9. Nakasubok sa white water rafting c/o Kagay.



High Five from madz on Vimeo.

CDO water rafting from madz on Vimeo.
10. High Five.

Dahil mag-isa lang ako, nakasama ko sila sa group. Ang galing daw ng group namin sabi ng guide kasi hindi tumaob yung boat :D


L-R: Marielle, Bim, Cindy, Reache, Jan, Me



11. Nakapunta Divine Mercy Shrine (El Salvador, Misamis Oriental)


 - After ng water rafting, bumyahe na ko papunta dito para makaabot sa mass at magbakasakali na makakaakyat dun sa puso ng rebulto ni Jesus. Swerte ko na naman kasi may mababait na dalaga na sinamahan ako para umattend ng orientation at makaakyat sa taas. 





12. Mabait at di mahal sumingil na guide. 


 - Kapag pupunta kayo sa Bukidnon at feel niyong maghabal-habal, kontakin niyo lang po si kuya Bibot Sanchez. 


Kuya Bibot and I

13. May nakasama sa Dahilayan (fellow CS members)

  
14. Nasubukan ang pinakamahabang zipline sa Asia (ang yabang!)



15. First time sumakay sa kabayo.




16. Nasubukan din ang kauna-unahang anicycle sa Asia. (ang yabang ulit!)

Anicycling at Kampo Juan from madz on Vimeo.


17. First time na tumawid (at bumalik) sa hanging bridge.




18. Mga pagkaing bumusog sa akin during my trip.


Mindy's Restaurant

Dear Manok Restaurant


19. Nakapasok sa Museum of Three Cultures.





20. Magandang panahon. 

 - Seryoso parang pinagbigyan talaga ko, kasi kapag nasa loob ako ng bahay o resto umuulan. Tapos kapag may activity na sa labas, tumitigil na siya. 



21. Madaling access sa CDO. 

 - Mapa at ilang instructions lang, all set na ko na gumala galang mag isa.




22. Cancelled Camiguin Trip.


   -thankful na rin ako na hindi ako tumuloy dahil nga masama ang panahon. Nakakatrauma daw yung byahe sabi nung mga nakasama ko sa Dahilayan.

23. Nakaabot sa last trip ng jeep papuntang airport.


24. Special post mula sa mga bloggers.



Poi

MJ


Bino

25. Got home safe at makakauwi naman ngayon sa province para makasama ang family. :)


Salamat po ulit sa mga bumati. Sa susunod na September ulit! ^_^

Thursday, September 20, 2012

Random Post

Tutal naman nauuso ang mga random post, e makikigaya na rin ako. Magkaron man lang ng update ‘tong inaagiw na bahay ko.

- Busy ako ngayon, as in. Pati opismate/housemate ko di na ko makausap. Tatayo na lang ako sa pwesto kapag iihi o iinom ng tubig. Ay tsaka pala pag kakain. Buong oras sa opis, nakaupo lang ako, nagbibilang kung ilang beses lumabas sa tv yung palabas sa buong taon. Lumipat na kasi ng kabilang channel si boss. Alam na. Pagod pero blessed na rin. Open-mouthed smile

- Sobrang MIA na ko, pero wag kayong mag-alala namimiss ko kayo. Big time.

- Malapit na yung gala ko pero hanggang ngayong nagdadalawang isip pa rin ako kung tutuloy. HIndi ko pa nga napiprint yung ticket ko. Tapos ngayon pa ko inubo at sinipon Sign ba ito? I don’t know. Pero magpapack na rin ako ng gamit bukas. Sa Sabado na ko magdedecide, pag naiwan na ng eroplano.

- Last time, nagpunta kami sa Central ng mga housemate ko. Narealize ko hindi na pala yun yung crowd ko. Kating kati na kong umuwi, at kating kati na rin ako kasi madaming nangangagat. Mas ok na pala ko ngayon sa padinner, dinner, nood ng movie. Mga gawaing makakauwi pa ako ng maayos at maaga. Yung inumang walang humpay, sawa na yata ako.

- Sana sa mga nangyayari sa opis, magkaron din ng pagbabago sa sweldo ko. Higher! Higher! Higher!

- Wish ko lang ay magpabook na yung travel buddy ko sa dream trip namin next year. At sana madali kaming palusutin sa airport. Mag couch surf lang kasi ako, baka hanapan ako ng madaming papel. At yung ticket dun sa gusto kong puntahan dun sana may available pa. Di ko alam kung tama o wrong timing na nagpabook ako ng holiday dun.

- May Spanish Film Fest sa Oct., may bayad nga lang unlike nung Cine Europa at Koream Film Fest (still on-going) na libre. Ako na ang kuripot. haha

-  Inaantay kong mahuli ako ng IT personnel namin na ginagamit ko ang account ng opismate ko para makapag FB. Naiinip na ko.

- Speaking of inip, ang  love life ko ngayon ay puro paghihintay. Paghihintay sa wala. hahaha

- Iniisip ko minsan, may magsusurpresa sa’kin. Yung makakasama ko sa byahe. haha wishful thinking lang. Iskeyri lang talaga magsolo trip pero kakayanin. Aja!

- Pag di ako natuloy, bili na lang ako ng bike. takte ilang taon ko nang gustong bumili hindi matuloy tuloy yung endless love bike ko. Open-mouthed smile

- Nagbura ng number at nag unfriend sa FB. Wala ring effect, kasi may email pa nga pala. haha Pramis, last ko na yun.

- Hindi ko na alam kung pano pa i-maintain ang blog na ‘to. Wala na kong maikwento. Said na said talaga.

- Wala munang special something sa Pasabook ngayong birthmonth ko. Nakulangan sa preparation. Sorry Sad smile

- Ngayon lang ako na conscious sa edad ko. Parang ayaw ko na tuloy magbirthday.

- Sana matuloy ulit yung outreach next month.

- Ang dami kong namimiss na blogger. Bat hindi na ulit kayo nagsusulat ha, ang gagaling niyo pa naman. Penge ng talent please. Smile with tongue out

Yan na lang muna, wala na ko maisip.Babayush.

Saturday, September 8, 2012

A Day with the Malaya Kids



Maraming salamat:

*CouchSurfing Pinoy Volunteers at Malaya Kids Ministry na siyang umalalay sa amin sa araw na ito. Special mention kay mommy Angela at sa kanyang nanay na siyang nagluto ng masarap at nakakabusog na pagkain para sa mga bata.

*Kay maskman na gumawa ng larger version ng story book na Ang Barumbadong Bus.

*Sa mga kaibigan ko sa blogsphere: Ani, Kuya Kuli at Poi (salamat ulit sa school supplies! :D ) na sumamang nagpasaya ng mga bata,

*Sa SG bloggers na nagpaunlak ng ilang papremyo para sa games.

*Sa mga kaibigan ko: sina Junnie (bff) at Jessa (salamat sa candies! :D) na palaging nandiyan para sa akin.

*Sa kapatid ko na nag-share para sa cake (love you sissy! :-*)

*Sa Inyo na nagbigay ng pagkakataon para maipagdiwang ang nalalapit kong kaarawan kasama ang mga batang ito.

 

A D.I.Y. Blogger Template by Sommerfugl Design