Pasabook (17) Result

As promised, ito na po yung resulta para sa pasabook ngayong buwan. May ilan po na invalid ang entry dahil hindi po sila sumunod sa mga panuntunan. Mga pasaway! :D

Congrats JH Alms! Paki-email na lang po sa akin (hartlesschiq@gmail.com) yung mailing address niyo including your full name. Or pwede din naman dalhin ko na lang sa meeting ng BMIM :)

Surprise muna yung list ng books. Abangan sa September! :D

Pasabook (17)

Quick post lang para mairaos ang pasabook ngayong July. :D Busy ng slight ang inyong lingkod sa mga extra-curricular activities kaya naman eto di ko na hahabaan ang post.


Ito nga pala ang cover ng libro na ipapasa ko ngayon.

Simple lang naman ang gagawin para makasali:

1. Open po ito sa lahat ng blogger na nasa Pilipinas. 

2. Mag-iwan lamang ng komento na ang laman ay tatlong libro na gusto niyong mabasa. Sikreto kung para saan ang request ko.   

3. One entry per blogger lang po.

4.Hanggang July 29 (Sunday) lang po na mga comments ang kasali sa bobolahin.

5. Para sa resulta, bumalik na lang po dito sa July 30  (Monday) at kung ikaw ang nanalo paki-email na lang po  (hartlesschiq@gmail.com) ang inyong contact details (syempre kasama na yung buong pangalan  ).

Good luck! :D

MOA

Patawarin mo ako kung paglalakad ko'y bumabagal pa

At ang bawat segundo mo'y nauuwi sa wala

Gusto ko lang magkaroon ng dahilan para makasama ka

Habang hindi pa bumabalik ang berde sa pagkapula

- Pauwi na kami noon galing sa awarding ng KM3 sa MOA. Wala lang, nagkataon kasi na habang naglalakad kami lagi na lang 5 seconds to go, turn na nang mga sasakyan na tumawid. Sayang yung time noh, kung binilisan lang namin maglakad e di sana di kami nag antay ng ilang segundo. 


Pagdating ko sa bahay naisip ko, pano kung hindi sayang yung ilang segundo na yun na nakapark ang mga tao? Na meron dun na masaya pa na nag aantay ng oras. Pumasok na naman ang pagkahopeless romantic ko. Nilagay ko na naman yung sarili ko sa sitwasyon. Na magkasama kami ng taong gusto ko na hindi niya alam na gusto ko siya o pwedeng naghiwalay na kami nung taong mahal ko. haha I know parehong nagnanakaw lang ng sandali. Yung iilang segundo na sobrang precious para sa'yo. Napipicture ko siya, parang ako yung direktor ng eksena, pero ako din yung gumaganap na nakikita ko yung nakikita nung babae habang nakatingin siya dun sa lalaki na nag-aantay na mag signal na yung traffic light na pwede nang lumakad. Ang haba noh, pero alam ko alam mo yung dinidescribe ko.


Naisip ko din dahil sawa ng magbasa ng romantic ek ek ang ilan dito sa blog ko, pwede ko namang gawing pampamilya. Na may tatay na sobrang busy at sinamahan yung anak niya sa mall. Na kahit dun sa mall, hindi pa rin siya iniintindi ng tatay, busy lang sa pamimili. Tapos ayun nung pauwi na, babagal ng lakad yung bata, maiinis yung tatay kasi di sila nakaabot sa pagtawid. Biglang hahawakan nung bata yung kamay ng tatay niya, sabay ngingiti ng pagkatamis-tamis. Ganyan. Na minsan yung mga malilit na bagay, yung kakaunting sandali yun, yung nakaapekto sayo ng sobra. O di ba, pang commercial lang. 


Isusulat ko na sana eh, kaya lang nagkaroon ako ng problema. Nalimutan ko kung ilang segundo yung andun sa stoplight. Haha ewan ko naging crucial sakin yung information na yun. Ilang tao na rin yung pinagtanungan ko, na-google ko na rin pero wala akong makuhang sagot. 


May nagbigay sa akin ng sagot, yun nga lang di ko pa rin maisulat. Parang pelikula na lang na gasgas na sa utak ko. Yung ako yung artista tapos yung guy. oh well never mind. Blurred siya. haha


Minsan talaga may mga kwento na hanggang utak mo na lang. Yung di mo kayang i-execute ng maayos sa tunay na buhay.


Ganyan. 

Unang Ulan ng Mayo

Sabi nila ang unang ulan daw ng Mayo ay nakakapagpagaling. Sahurin mo daw ang bawat patak at sigurado, na isang taon kang makaiiwas sa sakit.

Muli kong tinignan ang kalangitan. Nakita ko na ang mga signos, inaantay ko na lamang ang kanyang pagbadya. Una, ikalawa, ikatlong patak. Inihaya ko muna ang aking mga paa at sinisiguradong andiyan na siya. Nang tuluyan ko nang naramdaman ang lamig, sumugod na ako para magtampisaw. Hinayaan ko nang maliguan ang buo kong katawan, niyakap ang tubig na nagbibigay lunas.

Heto na ang sinasabing nagpapagaling ng sakit, nakapapawi ng ating dinaramdam. 

Buong puso ko itong tinanggap. 

Unang ulan ng Mayo. 

Unang araw na wala ka na.

(imahe mula sa google)

TKJ Project SMILE 2012

Hindi pa rin natatapos ang pagbuhos ng biyaya mula sa Kanya. Matapos ang ikatlong sabak ng BMIM na ginanap sa Cavite, nabigyan na naman ako ng pagkakataon upang magsilbing daan sa mga taong nagnanais na mapabuti ang kalagayan ng kapwa natin Pilipino. Sa darating na ika-28 ng Hulyo kasama ang bumubuo ng Isang Minutong Smile, The Kablogs Journal at iba pang Pinoy bloggers, bibistahin namin ang Childhaus (isang tahanan sa Proj. 8 sa Quezon City na pansamantalang kumupkop ng mga batang nagpapagamot dito sa Maynila) upang maghanda ng maliit na salu-salo at maghatid ng ngiti sa mga batang sa kasalukuyan ay mayroong pinagdadaanan.

Masustansyang almusal at tanghalian ang bubusog sa kanilang umaga kasabay ang programa na aming inihanda. Kantahan, sayawan, mga palaro kasama ang mga bata pati na rin ang kanilang tagapag-alaga ang pupuno sa isang araw na kapiling namin sila. Bukod dito ay naghanda rin kami ng regalo para sa mismong shelter upang mas matugunan nito ang pangangailangan ng mga kabataang kinukupkop nila.

Isa ring wishlist mula sa Childhaus ang sinisikap ng grupo na mabigyan ng katuparan. Inaanyayahan po namin kayo na makibahagi o kung mayroon po kayong kakilala na maaring magbigay ng ilan sa mga nasa listahan, ipagbigay alam po natin ito sa kanila at malugod po namin itong tatanggapin para sa mga bata.

CHILDHAUS WISHLIST

Medicine

1. Omeprazol

2. Tramadol

3. Amoxicillin (500mg)

4. Aluminum Hydroxide

5. Magnesium Hydroxide

6. Salbutamol Nebule

Medical Supplies

1. Ear Thermometer

Food and other groceries 

- rice, milk, sugar noodles etc.

Housekeeping Products and Toiletries

1. Diaper (all sizes)

2. Lice Shampoo (Kwell,Licealiz etc.)

3. Disinfectant Spray/ Air Freshener (Lysol , Glade etc.)

4. Garbage bags

Others

- toys, pillows,books etc.

Para po sa karagdagang impormasyon kung papaano magiging bahagi ng proyektong ito, mangyari po lamang na mag-iwan ng mensahe dito. 

Maraming salamat at sana'y isa po kayo sa magbibigay ngiti sa mga bata ng Childhaus. :D

30-Day Photo Challenge: Day 19

A picture and a letter.

Dear Me,




 Kelan ka kaya mapapagod?




 Love,

Madz