Tuesday, November 2, 2010

Ritwal

Biyernes. Bilog ang buwan. Malamig ang gabi. Sakto. Sabi ni Adrian mas effective daw kapag mga ganitong panahon ko gagawin ang ritwal. Pinag-aralan ko ang mga gagamitin ko para mamaya at siniguradong walang maiiwan. Mabilis ang tibok ng aking puso habang tinatahak ang daan papunta sa basement.

12:00mn - Sinindihan ko ang kandila at nakaramdam ng pagkapanlaw habang nanunuot sa aking balat ang lamig na dulot ng ulan na ngayo'y walang tigil sa pagbuhos. Matagal akong nakatitig sa salamin at nag aantay sa paglabas ng tao na sinasabi na makakapagpaligaya sa akin.Excited na ako.Ngayon at para bukas. Iniisip ko kasing baka matagal ko na siyang kilala o kaya naman nakakasalubong ko na siya sa daan o nakakasakay sa dyip. Atleast hindi na ako mahihirapan maghagilap sa kanya. Swerte niya, hindi ko na siya talaga papakawalan.

12:15am - Ang tagal naman. Medyo nangagalay na ang kamay ko sa paghawak sa kandila. Pati ba naman dito sa salamin pakipot pa rin ang Mr. Right ko? Buti na lang malaking kandila ang binili ko, atleast kahit medyo matagal hindi agad siya mauubos.

1:00am - Nangagalahati na 'tong kandila. Saan pa ba siya manggagaling? Matraffic ba? Madaling araw naman ah, walang masyadong bumbyahe.Grabe rin sa pasuspense. Medyo inaantok na kaya ako. Pero sige, aantayin ko na. Hmmm gising pa kaya si Adrian? Nalimutan kong itanong kung pwedeng magtext sa kanya habang nag-aantay para naman hindi ako naiinip ng ganito.

2:45am - Naku mukhang workaholic ang makakatuluyan ko. Anong oras na kaya, bakit hindi pa siya lumalabas. May ulitan naman siguro 'to, baka may nagkulang lang sa ginawa ko.Antok na antok na ako. Hmmm teka nga matext muna si Adrian, baka naman nang titrip lang yun. Yari yun sakin.

Still up?

Yeah, tagal mong magtext.Kanina pa ko nag-aantay. So, nakita mo na?



Yun na nga, wala naman eh. Hoy bakla totoo ba 'to? Sabunutan kita maya sa ofis kapag tinitrip mo lang ako.


Naku naman sa'kin pa hindi naniwala. 100% accurate yan. Ako ang living proof niyan.


E bakit wala naman akong nakita?


Tinignan mo ba ng maayos? Baka naman may hinahanap kang iba kaya hindi mo makita.Titigan mo kasi ng maayos.


Wala nga kasi. Naman, wag mong sabihin na walang magmamahal sakin. Jusko, old maid ba ang future ko.


Sino ba kasing inaantay mo?


Yung makakapagpasaya sa akin, yung magmamahal ng totoo. Yung hindi ako lolokohin, yung loyal at yung palaging nandiyan para sakin. Ito naman tinatanong pa, alam mo naman yun.


Alam mo nakita mo na siya matagal na, sa iba ka lang kasi nakatingin. Naku, titigan mo ng maigi yung salamin at makikita mo. Once matagpuan mo siya, I'm sure waging-wagi na ang beauty mo. Sige na inaantok na ko eh. Kitakits na lang maya. mornyt :)

3:00am - Medyo matagal na rin akong nakatitig sa salamin. Pero wala naman talaga akong makita.

(Nakatitig na lumalapit sa salamin)

Magmamahal sa akin....

Makakapagpasaya...

hindi ako lolokohin...

loyal at palaging nandiyan....


Hindi ba ako masyadong demanding kaya walang nagpapakita? Sino ka ba talaga??



ARAY!!!!




8:00am

Gising na? :D


Yup, maya papunta na rin sa opis. Masaya ka yata?


Yeah, finally nakilala ko na siya :D


Ows talaga? O di ba sabi ko sa'yo accurate yan.


Kaya nga, natatawa ako sa sarili ko umabot pa ko dun para lang mahanap siya.


Ok lang yan, ganun naman talaga. Lagi ka kasing nakatingin sa iba, naghahanap ng pagmamahal na yan. E nasa harapan mo lang naman. Kailangan mo pang mauntog bago marealize ang lahat. :D Masakit ba? :))

Hahahaha. Oo bumukol nga yata. :)) Sige kitakits na lang sa opis. Bago na ang motto ko bakla :D
 LOVE YOURSELF AND OTHERS WILL FOLLOW :)) Ano, pang FB stat na ba?


Loka ka talaga, sige kitakits na lang later. :P

13 comments:

  1. Tama!! mahalin muna ang sarili at everything follows. Sinisimulan ko na ngang mahalin sarili ko kaso minsan, pakips pa :P hehehehehe

    ReplyDelete
  2. tamang tama lang ang tama pero kung hindi mo makuha e tatamaan ka talaga hehehe...

    natawa ako sa bandang "old maid ba ang future ko"... hehehe nakakarelate akong konti...

    at isa ako sa mga pipindot nang "like" sa bago mong FB stat hehehe..

    good luck...

    ReplyDelete
  3. NICE POST!
    Akala ko pang halloween siya pero pangstruck pala ng puso:]
    Nakakainsipre toh HAHA

    ReplyDelete
  4. haha! astig!

    gusto ko gawin yan dati kaso natatakot ako, gang ngyon takot pa rin ako! LOL!

    ReplyDelete
  5. nice nice nice... kala ko nakakatakot yung wento... hehehe...

    ReplyDelete
  6. hahaha, ang kulit ni bakla, pinuyat ka pa para lang marealize mo ang isang bagay, eh kung sinabi nya na lang edi hindi ka napuyat lolzzz

    ReplyDelete
  7. @khanto

    hahaha konting pilit pa daw kasi, bibigay din yan :))

    @rhodey

    salamat po. fiction lang 'to sir hehe hindi ko pa nattry 'to. wala akong guts humarap sa salamin dis oras ng gabi, baka matakot ako sa sarili kong image...hahaha

    @renz

    para may spirit pa rin ng halloween kaya ganyan ang title...uiii natats ka ba? :D

    ReplyDelete
  8. @ro anne

    ate di ko pa rin naman ito nagagawa...katakot kaya..LOL fiction lang po :D

    @nafacamot

    hehehe naintriga ka ba?

    @Lord CM

    eh ganun daw yun, kelangan muna ng takutan para magising...hahaha

    ReplyDelete
  9. haha! akala ko nung una ala-MAY DAY EVE to..yun pala iba nag ending! galing! astig! pramis gusto ko to! hehehe~

    ReplyDelete
  10. Haha wag ka sa salamin humarap kundi sa bintana! Baka dun dumaan!

    ReplyDelete
  11. tinamaan ako sa post mo ah.... bibihira lang may nakakagawa nun sa akin dito sa blogsphere....

    dati nakipag break siya sa akin kasi daw puro daw siya lang ang mahal ko at inaalagaan ko.... di ko daw minamahal sarili ko... kaya ayun nawala kami for 45days(parang manok lang ah) hirap mahalin ang sarili pero nagawa ko din yun... VERY nice POST!!!!!!!

    la akong masabi... hehehe kaka bilib ang utak mo ah

    ReplyDelete
  12. @ayu

    at talagang binasa ko pa muna yung story na sinasabi mo.. nagustuhan ko siya ha impernes..

    @glentot

    hindi ko rin makikita, sarado lahat ng bintana sa bahay eh.. :))

    @saul

    wow nakakataba naman sa puso ang comment mo. maraming salamat ha!

    ReplyDelete
  13. astig ng post eh. kala ko nakakatakot na experienced nung una pero pag binasa mo. Ayos na yun pag stat. Kahit hindi mo pa ipost sa FB LIKE ko na sis :) ♥

    ReplyDelete

 

A D.I.Y. Blogger Template by Sommerfugl Design