Tuesday, September 27, 2011

Birthday Post ^_^

Share ko lang yung nangyari last weekend nung nagcelebrate ako ng birthday ko sa amin. Salamat nga pala sa mga nagpadala ng picgreet at mga bumati sa Fb, Twitter at sa text. Enjoy! :D




Eto nga pala yung gift sakin ng tropa nung birthday ko, actually hindi ko na po matandaan yang eksena na yan. Shaks na lambanog yan, panira ng buhay! LOL





At nagpavideo talaga ko sa ate ko habang kumakanta :))




Salamat po ulit sa nakicelebrate sa birthday ko. Kitakits po ulit next year! ^_^

Sunday, September 25, 2011

Pasabook (7) RESULT

Good aftie guys! Pasensya na kung medyo late na ang pagpopost ko nitong resulta ng panalo kasi may hangover pa lola niyo. Iklian ko na lang po ito at ako'y matutulog pa :))

Ito po yung list ng sumali.



At ito naman ang napili ni random.org na manalo :)







Congrats ser Gasdude! Ipadala mo na lang po yung mailing address mo dito : hartlesschiq@gmail.com. Antayin ko po muna yung shirt mula sa mgaepal.com bago ko maipadala yung book :)

Salamat po sa mga sumali! Abangan po ang kasunod na pasabook next month!

Friday, September 23, 2011

Wednesday, September 21, 2011

Pasabook (7) CLOSED

Isa na namang akda ni Paulo Coelho ang ipapasa ko ngayong buwan. Matagal ko nang gustong basahin ang librong ito at marahil isa ka na sa nakabasa nito. Pero ewan ko ba ilang beses na kong nakapasok sa bookstore pero paglabas ay ibang libro lagi ang bitbit ko. Naisip ko na lang siguro nga di pa time.

Nung dumating ang time na yun, pagpasok ko pa lang sa NBS ay ito agad ang hinanap ko at dumiretso na sa counter para magbayad. Oo ganito ako kaimpulsive, pag gusto ko ang isang bagay at hindi ko na maimagine ang sarili ko na hindi siya naiuuwi, gagawin ko talaga lahat para iyon ay makuha. Kasi palagay ko, ito na yung sign na para sa akin talaga ito.

Isang upuan lang ay natapos ko agad ang itong basahin. Alam mo ba yung feeling na parang kasama ka sa istorya, na isa ka sa mga karakter ng kwentong binabasa mo? Ganun ang naging pakiramdam ko dito. Sobrang apektado ako bagamat nakutuban na ako sa totoong kwento ay hindi ko tinigilan ang pagbabasa dahil naniniwala rin naman ako sa gustong ipahiwatig ng akda.

So ayun, after ng mahabang intro gusto ko kayong ipakilala kay Veronika



Akala mo yan lang?


Magbasa ka pa kasi may ibibigay pa kong isa. :D


Marami na namang blessing ang dumating sa akin ngayong buwan. Katulad na lang nang pagpapaalala sa akin ng isang kaopisina tungkol sa paglabas ng t-shirt ng mgaepal.com. Hindi na ako nagpatumpik-tumpik at nagmessage agad sa kanila.


Hindi ko pa nakukuha yung shirt pero umasa ka na kung ikaw ang mananalo ay makukuha mo ito. Kaya lang, pasensya na sa size ha, malamang large ang mapapunta sayo. Feeling sexy na naman kasi ako. buhahahahaha

So ayun, icocopy paste ko lang kung papano ka makakasali.

1. Open po ito sa lahat ng Pinoy bloggers, PERO sa mga nasa ibang bansa na sasali, pipili lang po kayo ng kamag-anak o kaibigan na papadalhan ko nito dito sa Pilipinas. 
2. Para makasali, mag-iwan lang po ng comment dito sa post. Kahit anong comment, pasok ka na!

3. One entry per blogger lang po.

4. Hanggang September 24, 2011, 11:59PM lang po na mga comments ang kasali sa pipiliin ni random.org.


5. Para sa resulta, bumalik na lang po dito sa Sunday  (Sept. 25, 2011) at kung ikaw ang nanalo paki-email na lang po  (hartlesschiq@gmail.com) ang inyong mailing address.
PAALALA: Malapit na nga pala ang birthday ko, baka maisipan mong gumawa ng picgreet pagkatapos mong magcomment. Ipadala na lamang po sa nabanggit na email address sa itaas bago mag Sept 25. Salamat at good luck sa mananalo :P 

Monday, September 19, 2011

Gusto ko paglaki ko (Update)

Last week, binigyan ako ni isang opismate ng video ng The Secret, kasi nagkaron kami one time ng discussion about work at yung gustong kong mangyari sa buhay ko. Sabi niya, marami daw akong matututunan dun, so ako naman sige lipat mo sa pc ko.

After kong mapanood isa lang agad ang naisip ko. Iupdate yung post ko last year about sa mga gusto kong makamit o magawa, parang bucket list lang. So eto gusto ko lang i-share kasi natuwa lang ako nung marami na kong nacross out sa kanila :)



1.Magcartwheel

2. Magdrive

3. Wall climbing, zipline etc. basta yung parang adventure camp.







4. Sumakay sa rollercoaster/space shuttle 

Hindi ko alam kung counted yung sinakyan namin ni SOB sa Star City pero achievement na yun on may part kasi first time kong sumakay sa ganun. Pasensya naman nalimutan ko yung name nung ride LOL.

5. Mag-enroll sa dance class

6. Learn a foreign language

7. Malasing

8. Makatakbo ng ilang laps sa oval

Yep, nitong taon lang nagstart kami ng isang kaopisina na tumakbo sa Marikina Sports Complex every TTH pagkatapos namin sa work. 15 na ikot na ang nagagawa namin at feeling ko pagkatapos nun eh napakaraming taba na ang nawala sa katawan ko.  :D

9. Makapagluto ng dinuguan

10. Mag make-up

11. Makicrash sa isang party

12. Skinny dipping

13. Magpakulot ng buhok





                           Wala naman akong sinabi na permanent di ba, so counted na 'to :P

14. Makakain sa Kaffe Razzo

Dahil hindi na ako nakakain dito hanggang sa sila'y magsara ginawa ko itong example para lagi kong isipin na kung may gusto ako either bagay o kainan na lugar dapat gawin ko lahat para matupad yung gusto ko or else, maraming "what if" lang ang maiipon sa isip ko.

15. Maggitara/Piano

Hmmm 50% pa lang 'to kasi hindi pa ko marunong PERO nung uwi ko sa Bohol last year ay pinama na sakin ni papa yung gitara niya. So ako na lang talaga ang inaantay na mag-aral. :)

16. Gumawa ng fondant cake

17. Magsuot ng dress



 Dahil gusto ko talagang magpasweet at magmukhang dalaga, eh nagstart na akong maghanap ng mga dress/bestida kapag namimili ako ng damit at ito talaga ang una kong hinahanap.

18. Magpatattoo

19. Umakyat sa Mt. Banahaw

20. Kumanta kasama ng band.

21. Mag-alaga ng hayop

22. Pumunta sa Italy or magtravel sa Europe

Hmmm, may opportunity po na dumating para makasama ko na si Mama sa wakas at sana po ay matuloy na. Pagpray natin ha!

23. Maligawan

24. Get married and have kids


O di ba, 8 out of 24 ay nagkaroon na nang katuparan. Not bad di ba? :D At dahil diyan gusto ko pang dagdagan ng isa ang list na ito, para machallenge pa ko ng 99%.

25. Makapagpublish ng book.

 Puro mga kwento din ang laman nito at wala akong pakialam kahit pa maging romance pocketbook ang kalabasan. Ang mahalaga makita ko yung pangalan ko (sige pen name pwede na) sa book na binibili ng iba. :D


********

Salamat nga pala dun sa mga nagpadala na nang picgreet para sa nalalapit kong kaarawan at dun sa mga *ehem* *ehem* gusto pang magbigay, send niyo lang dito : hartlesschiq@gmail.com. Malugod ko yang tatanggapin with matching kiss pa! :k   LOL

Friday, September 16, 2011

Pipo (2)

Nahimasmasan na ako sa pag-iyak. Hindi ko mapaniwalaan. Paanong nangyari yun?


Hindi mo binuksan si Pipo?

Naupo kami ni Erik sa may hagdan sa may pinto. Katulad dati, noong nanliligaw pa lang siya.

Hindi, kasi akala ko babalikan mo pa siya. Di ba binilin mo na wag kong sisirain? Kaya ayun, hindi ko na binuksan tapos hindi ko na siya nabanggit sa'yo, nakalimutan ko na siguro kasi nakatutok na ko sa'yo.

Eh di ibig sabihin, mahal mo talaga ako?


Bakit ba nagdodoubt ka sa nararamdaman ko sa'yo?


Kasi si Pipo... kasi akala ko... akala ko...

******

Matagal na kong may gusto sa kanya. Dati kasi sinasama ako ni kuya sa dati niyang tinutuluyan at sa tapat nito ay ang boarding house ng lalaking nakita ko. Kahit wala naman akong ginagawa ay hindi ko pinapalagpas ang chance na makita ko siya. Para tuloy minsan gusto ko na lang maging unggoy para makalambitin ako sa mga kable ng kuryente at makita siya ng malapitan ng hindi niya nalalaman.

Pagkakita ko pa lang sa mall kay Pipo ay hindi na ko nagdalawang-isip na siya'y bilhin. Sana magkaroon ako ng pagkakataon na ibigay ito sa kanya. Parang magkasama lang kami palagi di ba.

Erik!

Akala ko hindi niya ako maririnig kaya naman nung nilingon niya ako ay sobra ang naging kaba ko.

Para sa'yo nga pala. Si Pipo, alagaan mo siya ha! Wag mong sisirain. Salamat!  
Dali-dali akong tumakbo papalayo sa kanya at sakto dahil pauwi na rin kami ni kuya. 

Akala ko hindi ko na siya makikita. Laking gulat ko na lang nang tabihan niya ako sa upuan sa baking class na pinasukan ko. Naging magkagrupo pa kami sa mga ibang activities at doon ay nakilala ko pa ng mabuti ang lalaking hinahangaan ko, si Erik.


Buti na lang at marami kaming pinagkakasunduan na bagay, kasama na roon ang pag-eeksperimento sa pagbabake. Kaya nga sa mga exams, hindi ako natatakot na maungusan siya sa grade kasi kita ko na naeenjoy niya yung challenge. Lalo kaming naging close at mas lalo akong nagkaroon ng paghanga sa kanya.

Hindi ko nga inakala na manliligaw siya kasi sa tingin ko ok naman kaming magkaibigan. Kahit gustong gusto ko na siyang sagutin noon, pinipigilan ko lang ang sarili ko kasi gusto kong makilala namin ang isa't isa. Di yung dahil lang sa isang stuffed toy.


Sinagot ko din siya makalipas ang ilang buwan at masasabi ko na sobrang napasaya ako ni Erik. Para lang kami yung dati, yung magkaibigan. Siguro mas naging malambing lang ako sa kanya at siguro siya din sa akin.

Pero minsan, iniisip ko pa rin kung totoo yung nararamdaman niya. Kung hindi ba siya napilitan dahil ibinigay ko sa kanya si Pipo at ito ang madalas naming pag-awayan.

********


Kasi akala ko nanligaw ka lang dahil sa sinabi ni Pipo.

Ha? Anong sinabi ni Pipo.

Kinuha ko sa kanya ang kahon na pinaglalagyan ni Pipo. Mula doon ay inilabas ko siya at pinisil sa gitnang bahagi ng katawan nito.

I Love You. I Love You. I Love You.

Tinanggal ni Erik ang pagkakapindot ko kay Pipo at hinalikan  niya ako sa noo.

Ikaw si Pipo?


O..o.. natatawa kong sagot sa kanya.

Kaya pala iningatan ko. Halika nga dito. Sabay kabig niya sa akin.

Kahit binuksan ko pa si Pipo, hindi pa rin yun yung magiging dahilan kung bakit minahal kita Divine. Hindi ikaw ang tipo ko. Aray! Kinurot ko nga siya sa tagiliran.


Nakuha mo pang magbiro.


Totoo yun. Hindi ako mahilig sa maputi at singkit. Lalong ayoko rin ng babaeng mas matangkad sa akin. Pero yun palang mga yun hindi na mahalaga once makilala mo na yung babaeng mamahalin mo.Malay ko bang mamahalin ko ang isang... unggoy!

Tumakbo siya papalayo sa akin habang pinipindot pindot si Pipo.

I Love You. I Love You. I Love You.

Napangiti na lamang ako habang hinahabol ko si Erik. Hanggang tumanda yata kami palagi na niya akong lolokohin tungkol dito. Pero ayus lang kahit maging unggoy ako sa paningin niya. Hindi naman mahalaga yun, basta ba siya ang makakasama ko, uulit-ulitin ko lang sa kanya ang sinasabi ni Pipo. :)


Part I

Pipo (1)


Alam ko naman napilitan ka lang eh, fine kung ayaw mo na!

Ano bang pinagsasasabi mo? Naguguluhan kong tanong sa kanya.

Kung di ko pa sinabi sa'yo di naman magiging tayo. C'mon Erik halos isang taon na tayong magkasama. Pati ba naman yung kay Pipo di mo pa maamin hanggang ngayon?

Kahit nakikita kong naiiyak na siya, hindi ko siya magawang yakapin. Ano bang kinalaman ni Pipo sa away namin? Sinubukan kong maging kalmado at muli ko siyang tinanong.

What about Pipo? Bakit na naman siya napasali dito?

Basta ibalik mo na lang siya sa'kin Erik, tapos na tayo. Yun ang huling tugon niya bago  ako pinagsarhan ng pinto ni Divine.


At sa pintong iyon ay muli akong nakatayo, naghihintay na pagbuksan  ni Divine. Isinama ko na si Pipo tutal ito naman ang gusto niya.Naalala ko pa yung araw na ibinigay niya sa akin ang unggoy na ito. Nung una ko siyang makilala.

Erik!

Isang babae na halatang nahihiya ang nalingunan ko na tumatawag sa akin.

Yes?

Para sa'yo nga pala. Si Pipo, alagaan mo siya ha! Wag mong sisirain. Salamat!  
Nagmamadaling sabi ng babae habang tumatakbo paalis. Ni hindi ko man lang naitanong kung anong pangalan niya. Sayang maganda pa naman.

Anong gagawin ko dito sa unggoy na ito? Hinabilin lang ba niya 'to o sa akin na? Hindi ko na bubuksan, baka mamaya masira pa, ang dami pa naman namin sa boarding house baka mapagkatuwaan. Itago ko na lang muna.

Akala ko hindi ko na makikita yung babaeng yun. Pero a week later ay nakasabay ko siya sa pag-eenroll sa baking class at naging kagrupo ko pa siya sa mga activities doon. Nakilala ko rin sa wakas yung mahiyaing babae na lumapit sa akin dati, yung nagmamay-ari kay Pipo, si Divine.

Hindi ko tipo ang ganda ni Divine pero nagkasundo kami sa maraming bagay. Pareho kaming mahilig eksperimento sa pagbabake kaya sa mga exams kami ang palaging magkalaban sa pinakamataas na score. Tuwing kasama ko si Divine, nachachallenge ako sa kanya. Parang kulang yung araw ko pag wala kaming kulitan o yabangan kaya naman nung matapos na kami sa kinuha naming klase ay hinanap-hanap ko siya.

At doon na nga nagsimula ang lahat. Madalas ko na siyang dalawin sa kanila. Kwentuhan, asaran, kulitan at minsan ay nagbabake pa kaming dalawa. Masaya akong kasama siya at nararamdaman ko hindi na lamang kaibigan ang tuting ko sa kanya. Mahal ko na si Divine. 

Hindi na ako nagpatumpik-tumpik pa. Niligawan ko siya. At pagkatapos nga ng ilang buwang panunuyo ay naging kami. Wala namang nagbago sa turingan namin sa isa't isa, ganun pa rin kami. Siguro nga mas naging malambing lang ako sa kanya at siya sa akin.

Siyempre hindi naman palaging smooth ang relationship namin. May mga panahon na nagkakaron ng tampuhan at away. At sa bawat tampuhan na iyon ay hindi pwedeng hindi mababanggit si Pipo. Hanggang ngayon naguguluhan pa rin ako. Ano bang kinalaman ng laruan na ito sa aming dalawa.


Unti- unti ay nagbukas ang pintuan at muli kong nasilayan si Divine. Halatang galing sa pag-iiyak dahil namumugto ang kanyang mga mata. Tinignan niya ako ng matagal bago lumipat ang tingin kay Pipo. Nagsimula siyang humikbi. Natakot ako akala ko hindi siya makahinga. 

Divine are you ok? Divine?

Tapos bigla na lang siyang yumakap sa akin at umiyak ng malakas na malakas. Niyakap ko din siya ng mahigpit kahit na sa isip ko hindi ko pa rin maintindihan.



Part II

Friday, September 9, 2011

ISTAFET!



"Anong festival ang pinagdiriwang sa Lucban Quezon?"

-- Longganisa (WTF?)

Ano ba naman kasing naisipan ni ser Pong at biglang nagtanong ng kung anu-ano sa chatroll ni kuya Jkulisap? Ayan tuloy napagkasunduan na magkaron ng Quiz bee at hulaan niyo kung sino ang naging quiz master?? 

E di yung sumagot ng Longganisa Festival -- Ako! :))

Bago magstart ang game eh mahabang proseso muna ang hinahanarap namin. 

Una, paunahan muna sa pagpasok sa chatroll. Limited lang kasi ang pwedeng pumasok dito, max na ang 11 chatters. So kung late kang dumating, next week ka na sumali unless---

Dito papasok ang ikalawa, kapag may nalalaglag/nawala na chatter. Pwedeng nawalan ng connection, biglang naging busy o kaya naman nagdecide  uminom ng kape at pagbalik eh nalaglag ka na pala. Kaya ang tip ko lang, wag nang uminom ng kape, di ba ate Sphere??

At ang ikatlo -- roll call. Bago magsimula ay sinisigurado muna na lahat ay present at hindi lang nakatambay kasi sayang ang slot at kawawa naman ang groupmates. Kaya minsan eh meron nakikick (ikaw yata 'to Bulakbolero :)) )

Let the game begin.

Categories:

MEMA LANG (brain teaser)
HALU-HALO (text twist)
ANONG SCIENCE MO? (science)
PANIS SA PINAS (Phil. History, Trivia)
PALITAN TAYO (world currency)
MATHDALI LANG ‘TO (math)
ITAGALOG MO NGA PLEASE (Filipino translation)
LARUIN MO AKO (Filipino Games)
CONNECT D’ DOTS (analogy)
HIMIG PINOY (music)
REBUS (picture puzzle)
I MIX HUE (color wheel)
TUGZTUGZTUGZ (Philippine Dance)
DAGDAG-BAWAS (number sequence)
TAKOT KO LANG SA’YO (phobia)
BUGTONG NI BONG2x (riddles)
HULAAN MO ANYO KO (land and water formation)
IBUKA MO ANG NGALAN KO (Philippine Acronym and Abbreviations)
WHATS NEWS? (Current Events)
BLOGGER KA? DI NGA? (All about blogs and blogging)
DAMI KONG GUTOM (Filipino food/delicacies)


Hindi na nila yan binabasa pero nireremind ko na rin kung saan iikot ang laro. I know the feeling, kasi katulad nila ganito rin ako habang nasa pwesto ko:

- nanlalamig ang mga daliri
- mabilis ang mga mata
- kinakabahan pag pipindutin na ang enter na key

at higit sa lahat

- Nakaopen ang Google :))

Oo, hindi naman kasi required na puro stored knowledge lang. Madalas kelangan ang help ni Mr. Google para mas madaling makapuntos. Ingatan mo lang ang pagcopy-paste kasi baka mamaya buong article ang maisagot mo. Huli ka! Sino nga ba 'to guys?? hahaha

Minsan naman kahit yata yung experience ay napapasali katulad nung minsan ito ang tanong:


HALU-HALO: T P E L AK

Sumagot ang isa: KLEPTA 

Ayun tawanan na ang lahat! Peklat po ang sagot, peklat! LOL

Sa pagtatapos ng laro ay ilalabas ang Final SB at hahatulan sa message board ng chatroll ang mga nagwagi at naglog-out na luhaan.
  
Madami pa kong naalala sa bawat larong ito. Minsan nga sabi ko sa isang kasali, nagsasawa na ko kasi ang hirap mag-ipon ng tanong. Pero sabi ko rin nakikita ko naman nag-eenjoy yung mga kasali kaya ayun, sinusubukan ko pa rin na pagdating ng Tuesday eh mauulit ang sagutan at kulitan na mala-elma muros sa bilis.

Hayyyyyyyyyy nakakamiss pala. :( 

Ayan ha, special post pa 'to. Roll call na ko sa mga suki ko:

Joey               Kuya Mao
Essa            bebejho
PaQ              Maha
Monik             Tong
Shy                 Salbe
MD                  Pong
Sphere            WP
   Moks             Era 
     Leah          Dahn
 Jason         Arn


                                     at sa iba pa na gustong makigulo sa amin

Sa Tuesday ala-una ng hapon, kitakits po ulit. Maghanda na kayo, i-open na ang google at hasain na ang typing skills. Quiz bee tayo :)

Thursday, September 8, 2011

Excited Me Much



Sa mga hindi nakakaalam, malapit na po ang birthday ko.. ehem ehem pic greet naman diyan! LOL Sa ibang post na ko manghihingi ng pic greet sa inyo. Ngayon gusto ko lang i-share kung bakit excited na kong  umuwi.

Ganito kasi yun.. nagtext yung kapatid ko


Ate: Sissy uuwi ka ba sa birthday mo?

Ako: Syempre naman, ipaghahanda mo ba ako hehe

Ate: ..... (di na nagtext)


Tapos nung gabi nakita ko siyang online kaya inulit ko yung sinabi ko sa kanya sa text


Ako: Ate ipaghahanda mo ba ako sa birthday ko?

Ate: Ipagluluto na lang kita ng baked mac

Ako: (Woah seryoso ba to?) Talaga?

Ate: Oo, si Dianne (pinsan namin) nga gusto kang ipagluto ng Lasagna.

Ako: Wow naman ang sweet! Ang saya, parang debut ko lang ah. Ganun ba pag 25 @ 25? LOL

O di ba, nagulat naman ako dun na ipagluluto nila ko.

Di pa diyan natatapos ang lahat.Na-emo kasi ako sa post ni Bulakbolero na naemo din sa post ni GasolineDude kaya nagpost ako sa FB ng ganito:



At mula diyan sa post na yan, ay nagkasundo kaming magbabarkada na icelebrate ang birthday ko sa abente kwatro sa aking kwarto kung saan nung college kami ay ginagawa nilang uwian kapag galing sa inuman. Ang dami din namin na  naalala noong magkakasama pa kami. Ang kulet lang. Sobrang namiss ko sila. :D

Bago pa ako matulog, naipost ko pa ito:




Hayyy sana nga matuloy ang lahat ng ito kasi sobrang excited na kong umuwi. Kahit ano na lang ang mapagsaluhan, basta makasama ko lang sila : pamilya at mga kaibigan. 


Akin na ang bente, matuloy lang!



Wednesday, September 7, 2011

Music Box




Isang araw biglang nagtanong sa akin si opismate:

Opismate: Madz halimbawa may nakita kang music box sa isang antique shop tapos eh sobrang nagustuhan mo.

Madz: e sigurado binili ko na yan.

OM: Oo, tapos pinapatugtog mo siya palagi. Sa palagay mo gaano katagal siya bago masira?

Madz: Hindi yun masisira kasi inaalagaan ko.

OM: Halimbawa nga lang.

Madz: Hindi ko alam kasi nga iingatan ko naman.

OM: O sige halimbawang nasira nga, anong maiisip mo habang hawak mo yung music box?

Madz: e di pipilitin kong ayusin, hindi pwedeng hindi maayos. lahat gagawin ko para lang gumana.

OM: E pano pag hindi na nga mabuo.

Madz: E di itatabi ko...

So bakit ko ito naikwento?

Kasi naisipan ko rin itong itanong sa isang kaibigan na inaantok daw. Ipiprint screen ko sana yung convi pero hindi kaya sa isang page. Ang dami kasing ligoy nitong kaibigan ko na tawagin na lang natin na si bulakbolero :)) Paikliin ko na lang.


kaya kami tumagal :))



Marami pa siyang sinabi niyan pero dito lang din kami humantong:



Para naman sa pangalawang tanong



Matapos kong ipaliwanag sa kanya ang ibig sabihin nung mga tanong ko sa kanya ay nagpahabol pa talaga siya nito:



O e di siya na talaga ang nag-explain pa.. LOL Syanga pala ito daw yung meaning ng mga sagot namin tungkol sa music box na yan.


1. The amount of time you thought the music box continued to play corresponds to your expectations of how long love will endure. 

2. The way you felt about the broken music box shows how you feel when a relationship has died.

Ikaw maniniwala ka ba sa quiz na 'to o tulad din ni kaibigang bulakbolero na... ayun parang hindi?

Ako? Ewan ko, quiz lang naman yan, pero pwede rin kasi maganda naman yung naisagot ko LOL

Naaadik ako sa kokology na book. Yun lang!

Thursday, September 1, 2011

Pasabook (6) - Result

Kamusta ang weekend natin diyan? Eto na po yung inaabangan niyo na resulta para sa pasabook natin sa buwan ng Agosto. Siya nga pala, di ba pinalagyan ko ng size yung mga entry niyo? Kasi habang nasa bakasyon ako ay naisip kong bigyan din ang mananalo ng souvenir mula sa pinuntahan ko. Kaya eto, kasama ng libro ay makukuha din ng nanalo ang nasa piktyur sa ibaba.

t-shirt, peanut kisses, Ilustrado book

Ayus ba?? Kaya naman wag na nating patagalin ang lahat. Eto na po ang resulta ng pasabook 6.







Congratulations Lio Loco! Mukhang malakas ang hatak mo kay random.org. LOL Hindi ko sure kung kasya sa'yo yung shirt, nag-aalangan me ng slight.  Send mo na lang dito yung mailing address mo: hartlesschiq@gmail.com

 Heto pa nga pala yung request mo, syempre made from Bohol din. Happy Birthday at Blogniversary sayo at sa SSDD!  :)




Sa mga hindi nanalo, try and try mga kapatid, meron pa po tayo ngayong buwan. Salamat sa pagsali!

 

A D.I.Y. Blogger Template by Sommerfugl Design